Kite.is

Heim
Sumariš er tķminn
Skrifaš af Gos   

Nú er sumarið komið og flugdrekavertíðin hafin ef svo má að orði komast.  Á Íslandi er því miður ekki nein sérhæfð flugdrekaverslun en hægt er að kaupa sportflugdreka víða svo sem í leikfangaverslunum, Byko, Húsasmiðjunni og Rúmfatalagernum svo dæmi séu tekin.  Sportflugdrekar eru venjulega þríhyrningslaga tveggja línu flugdrekar sem hægt er að gera ýmsar kúnstir með. Flugdrekarnir sem fást á þessum stöðum eru venjulega  frekar óvandaðir (enda mjög ódýrir) og flugeiginleikar og ending í samræmi við verðið. Það getur verið góð skemmtun að fljúga þessum drekum en það jafnast ekki á við að fljúga vandaðri flugdrekum.

 

Prism Micro flugdrekar

 

Lesa meira...
 
Revolution
Skrifaš af Gos   

Fyrir nokkru síðan birtist hérna á vefnum umsögn um Revolution 1.5 SLE fjögurra línu flugdreka.  Greinina er hægt að lesa hérna.  Þar sem sumarið er á næsta leiti er tilvalið að kíkja  á kynningarmyndband um Rev-inn.  Í myndbandinu má sjá ýmsar hliðar á þessum skemmtilega flugreka svosem "hópflug", inniflug og meira að segja má sjá flugdrekann "fljúga" í vatni. Svo er bara að panta eitt stykki fyrir sumarið og byrja að fljúga.

 

 

 
Tegundir flugdreka
Skrifaš af Gos   

Flugdrekar eru til mörgum stærðum og gerðum, allt frá örsmáum flugdrekum (micro) upp í risavaxna sýningarflugdreka sem geta verið tugir metra að lengd. Lang algengastir meðal almennings eru þó  flugdrekar með eina eða tvær stjórnlínur en flug fjögurra línu flugdreka er þó að færast í aukana. Þá eru vinsældir flugdrekaflugs sem keppnisíþróttar að aukast en í slíkum keppnum eru notaðir vandaðri og dýrari flugdrekar heldur en tíðkast hjá almenningi.  Þá hafa vinsældir svokallaðra kraftdreka aukist mikið á undanförnum árum en kraftdrekar eru stórir flugdrekar sem notaðir eru til að draga menn áfram hvort sem er á landi, á sjó eða á snjó.

Lesa meira...
 
Ķslandsflugdrekinn
Skrifaš af Gos   

Mér barst skemmtilegt bréf fyrir nokkru síðan frá þýskum ferðamanni að nafni Christian Harm sem hafði ferðast um Ísland árið 2005 og í kjölfarið búið til flugdreka sem hann byggði á ferðalaginu.  Þetta væri kannski ekki í frásögur færandi nema að flugdrekinn sem er gríðarlega vel smíðaður færði Christian þýskalandsmeistaratitil í flugdrekasmíði árið 2008.  Flugdrekinn sem er japanskur EDO flugdreki er býsna stór eða um 4.2 metrar á hæð og 2.65 metrar á breidd og byggir eins og áður sagði á ferðalaginu um ísland og þeim stöðum sem heimsóttir voru.

 

Iceland EDO

 

 

Lesa meira...
 
Vķtt og breitt - flugdrekar
Skrifaš af Gos   

Um daginn hitti ég Pétur Halldórsson útvarpsmann á túninu sunnan Verkmenntaskólans á Akureyri og spjallaði við hann um flugdreka og m.a flugdrekakynningu á Jónsmessuvöku í Kjarnaskógi. Viðtalið var síðan hluti af þættinum Vítt og breytt á RÚV sem var á dagskrá þann 23. júní. Notið spilarann hér að neðan til að hlusta á viðtalið.

 
<< Byrja < Fyrri 1 2 3 4 5 Nęsta > Endir >>

Hefuršu smķšaš flugdreka?
 

GWTW
© 2016 K I T E . I S
Joomla! is Free Software released under the GNU/GPL License.