Kite.is


 

 

 

 

 

 

 

 

 

 

 

 

 

 


Heim
Flexifoil Buzz Prenta Rafpˇstur
Skrifa­ af Gos   
 Það hafði staðið lengi til hjá undirrituðum að kaupa lítinn, "alvöru" foil flugdreka í safnið.  Ég vissi að Einar í  vindsport var að selja IMP frá Ozone þannig að ég hafði samband við hann um daginn og ætlaði að leggja inn pöntun.  IMP-inn var hinsvegar uppseldur í bili en Einar átti Buzz frá Flexifoil sem er svipaður að stærð þannig að ég skellti mér á einn slíkan.  Ég var mjög hissa þegar ég fékk pakkann því að hann er ótrúlega lítill

Stærðin á pakkanum segir hins vegar lítið um innihaldið.  Pokinn utanum drekann er vandaður eins og drekinn sjálfur og línurnar - með neti á botninum sem hleypir sandi og óhreinindum út úr pokanum.

Flugdrekinn er 1,6 metri að lengd (0,8 fermetrar) -grænn með svarta vængenda.   Það er greinilegt á saumaskapnum að það er vandað til verka og allur frágangur á saumum og beyslið (bridle) eru vönduð og frágangur tilfyrirmyndar.  Línurnar eru litaðar til að auðvelt sé að aðgreina þær  og eru 18 metra langar og 75kg.  Línurnar koma á sérmerktu plastkefli með teygju til að festa endana þegar búið er að gera upp línuna.  Engin höld fylgja heldur "straps" sem eru mjög þægileg í notkun.  Þá fylgja límmiðar, vandaðar leiðbeiningar, ávísun á viðgerð innan mánaðar frá kaupum og skráningarblað þar sem hægt er að skrá sig á Flexifoil.com

Það tekur enga stund að gera flugdrekann kláran fyrir flug og fyrsta flugið mitt var út á túni í litlum vindi (of litlum). Hann er gefinn upp fyrir 3 - 50 kph en ég get ekki séð að hann fljúgi vel við neðri mörkin (frekar en aðrir foil-drekar).  Hann lét ekki vel að stjórn og brotnaði iðulega saman þegar hann nálgaðist jaðra vindgluggans sem skiljanegt er.

Í seinna flugi fór ég út í +7m/s og þá var allt annað upp á teningnum.  Það er greinilegt að gæðin á flugdrekanum skila sér í flughæfni hans.  Buzz-inn var mjög stöðugur á flugi og flaug hratt og örugglega í annars frekar ójafnri norðanáttinni og mjög sjaldan kom fyrir að hann brotnaði saman en þegar það gerðist var yfirleitt auðvelt að koma honum í samt lag áður en hann féll til jarðar. Buzzinn er ekki þungur - togar kannski eins og tveggja ára barn :-) og  ætti þvi að vera vel viðráðanlegur - jafnvel í miklum vindi.  

Ég get hiklaust mælt með þessum dreka fyrir byrjendur og börn þar sem það er erfitt að skemma þennan dreka og þá er tilvalið fyrir lengra komna að hafa svona dreka í bílnum þegar vindurinn verður of sterkur fyrir stóru drekana eða til að leyfa gestum og gangandi að prófa viðráðanlega, vandaðan dreka.

Einkunn:   Image

 

Frekari upplýsingar hjá Ůetta netfang er vari­ fyrir ruslpˇsti, ■˙ ■arft a­ hafa Javascript virkt til a­ sko­a ■a­

 

gos

 

 
< Fyrri

Hefur­u smÝ­a­ flugdreka?
 

Vindsport
© 2019 K I T E . I S
Joomla! is Free Software released under the GNU/GPL License.