"Vindgluggi" kallast það svæði fyrir framan, til hliðar og ofan við flugmanninn þar sem hægt er að fljúga flugdreka (ef einhver vindur er til staðar). Stærð gluggans ákvarðast meðal annars af lengd línanna sem notaðar eru til að stjórna flugdrekanum. Þegar flugdreki er í miðjum glugganum nær hann mestum hraða og átakið er mest á línurnar. Þetta svæði er u.þ.b 30-45 gráður breytt og kallast "power zone". Þegar flugdreki nálgast jaðra gluggans hægir hægir hann á sér og átak á línurnar minnkar. Þetta gerist vegna þess að áfallshorn flugdrekans minnkar.

Þegar flogið er við jaðra gluggans þarf sá sem flýgur flugdrekanum að beita hægari og
nákvæmari hreyfingum við stjórn flugdrekans. Byrjendur eiga oft auðveldara með að læra "trikk"
við jaðra gluggans. Hvíldarstaða, ef svo má að orði komast, er efst í glugganum þar
sem átak er lítið og flugdrekinn er frekar stöðugur.

Þegar tekið er á loft er gott að hafa í huga að staðsetja drekann ekki í miðjum vindglugganum sérstaklega ef vindur er mikill eða flugdrekinn stór heldur að taka á loft í jaðri vindgluggans þar sem áfllshorn og þar með átak flugdrekans minna.